列斯靚湯底港人拉麵店 Mor...
早前收到風話Morley開咗間香港人開嘅日式拉麵店，某日拉麵癮起，專程揸車走過去食。因為我屋企距離Morley成半個鐘車程，去到，諗住可以立即大快朵頤，點知發現門口竟然有一條非常長嘅人龍，結果我等足一個鐘先食到呢碗傳說中嘅足料靚湯底拉麵。
新開港人爆汁日式餃子店 Ama...
繼早兩日介紹完Miley Cakery外，列斯Kirkgate Market仲有另一間新開只有兩星期的港人日式餃子店Amazing Gyoza。早幾日筆者走去試過，餃子真係勁多肉汁，難怪除咗香港人，採訪當日仲見到唔少本地人幫襯。
列斯港人新「蒲」點 EUTOP...
早幾日，有位讀者PM我哋，話列斯Pudsey開咗間香港人開嘅新餐廳。去到發現，呢間餐廳原來只係開咗唔夠一個月。除咗英式早餐同三文治之外，仲有唔少港式美食如西多、沙嗲牛肉同炒麵飯之類，星期六日仲有唔同嘅特色港式美食供應，例如上個星期有牛雜，今個星期就有碗仔麵同生菜魚肉，住喺列斯嘅香港人終於有更多選擇啦！
列斯有驚喜中日外賣店 Mr T...
近來《種子新聞》介紹咗幾間喺列斯嘅香港人餐廳，感謝各位讀者支持，反應唔錯。有位讀者仲PM我哋，話佢住嘅17區有間唔錯嘅外賣店，係香港人開，好值得推介。好坦白，我諗同好多嚟到英國嘅香港人一樣，一聽到中式外賣店總會有幾分戒心，始終有啲舊式外賣店，一向係做本地人生意，佢哋啲「中菜」未必啱我哋口味。但今次要介紹呢間Mr Takumi，幫襯完後絕對有驚喜，個鴛鴦炒飯真係掂！
列斯新開港人餅店 Miley ...
Kirkgate Market可說是列斯唯一一個主要的濕貨巿場，自從兩年前第一間港人雜貨店「HMK雜貨店」在這裡開業後，近年亦漸漸有不少港人商店進駐該巿場。今次要介紹的Miley Cakery，更只開業三個星期。
屯門日式餐廳登陸牛津 漁匠屋嘆...
小弟細個屯門大，後來做傳媒，一直有聽聞過屯門有間隱世日式小店叫「漁匠屋」。後來有次同朋友喺虹橋附近個獅子會球場踢波，幫襯過一次，印象中啲刺身丼幾好食。嚟到英國，有日朋友同我講，Bicester有間日本餐廳新開幾唔錯，去到竟然發現，原來呢間「漁匠屋」（Gyoshoya），正正就係我喺屯門幫襯過嗰間。
諾定咸抵食新鮮魚生丼 鮮Uma...
去Nottingham，朋友激推介一間魚生飯。因為間舖喺Derby而唔係喺巿中心，都好奇點解會專登揸車走去食。咁試過之後，結論係呢間由香港人開嘅魚生飯店唔單止啲魚生夠新鮮，仲要唔貴，入門級雜錦海鮮丼只係賣£8.98，堅抵，我喺Kirkgate Market 食碗越越南河都£9啦！
享受Chill生活 列斯Hiy...
一直都知道列斯Kirkgate Market有八間港人店，其中一間係「蛋卷舖」。但因為我習慣星期一去買餸，所以一直都唔見佢開。有日因為要去採訪，終於見到佢地開門。同佢哋傾咗幾句，再睇下佢哋賣乜，終於明白原來喺列斯都可以好Chill咁生活。
列斯Umee Sushi兩周年...
記得當年初初嚟到列斯，想搵啱食嘅日本嘢並唔容易，有次試過去幫襯啲本地人開嘅日本嘢，食完好懷疑啲刺身係唔係喺Costco入貨。直至後來，列斯終於開咗第一間啱我哋嘅日本餐廳，就係今次要介紹嘅Umee Sushi。不經不覺，呢間喺Chapel Allerton嘅日本餐廳已經開咗接近兩年，近日仲推出咗專俾香港人嘅現金八折優惠。
鐵血日式外賣店 列斯Oishi...
有日個女學校有活動，夜晚唔得閒煮飯，唯有買外賣。上網睇下有咩好嘢食，竟然搵到一間賣章魚小丸子，大阪燒同日式咖啡嘅外賣店，而且價錢唔算貴，再加上一睇個Menu就知應該係香港人開，咁就點都要去試下。
