唔講唔知，今年（2026）係列斯四百周年的重要日子，於1626年7月13日，國王查理一世（Charles I）頒授首份皇家特許狀，正式將列斯設立為自治市鎮，為日後成為正式城市踏出重要一步。其實喺呢四百年來，列斯都有唔少威水史，除了大家都熟悉的M&S源自列斯外，原來連我哋日常飲用嘅梳打水，都係喺列斯發明。我哋作為列斯人，今次不如就同大家講吓呢個城市嘅歷史。
如果大家有留意過列斯嘅市徽，㑹發現其中有一隻被吊起的金羊，其實係因為列斯在十七世紀只係艾爾河（River Aire）畔一個靠羊毛貿易支撐全城經濟的市集小鎮。而另外兩大一細的三隻貓頭鷹，則來自首任首席市議員約翰．薩維爾爵士（Sir John Savile）的家族紋章。貓頭鷹可以話係列斯一直以來的象徵，所以直到現在，依然可以喺市中心不少建築物上，搵到貓頭鷹雕像。其實列斯市中心有一條隱藏咗25個貓頭鷹雕像的「貓頭鷹徑」，俾遊客認識本市的歷史建築，好似市政廳、千禧廣場同列斯城市博物館等。
全球最古老鐵路在列斯
很多人以為鐵路的發源地是在利物浦或曼徹斯特，但其實列斯的米德爾頓鐵路（Middleton Railway）早於1758年已獲國會立法批准，是世上歷史最悠久、至今仍在運作的鐵路。1812年，本地工程師馬修．默里（Matthew Murray）為這條鐵路製造的「薩拉曼卡號」（Salamanca），更被視為首部商業上成功的蒸汽火車頭，比大名鼎鼎的「火箭號（Rocket）」早了十多年。
世上第一段電影拍於列斯
1888年10月，法國發明家路易．雷．普林斯（Louis Le Prince）在列斯Roundhay的一個花園內，拍下一段僅約兩秒的片段，是現存最古老的電影。他其後又在Leeds Bridge拍攝街上車水馬龍的景象，比愛迪生和盧米埃兄弟都要早。
但更離奇的是，雷．普林斯於1890年在法國登上一班火車後人間蒸發，屍體和行李從此下落不明。有陰謀論指他是因專利之爭而遭滅口，但至今依然真相成謎。
梳打水源自列斯
相信汽水以及Sparkling Water係好多現代人不可或缺的飲品，但原來梳打水是在列斯發明。十八世紀科學家約瑟夫．普里斯特利（Joseph Priestley）曾在列斯的Mill Hill教堂任牧師，由於住所就在釀酒廠隔鄰，他對酒桶上方冒出的氣體大感好奇，最終研究出把二氧化碳溶入水中的方法，發明了梳打水。
一便士攤檔變零售王國
相信列斯最廣為人知的歷史，必然是在列斯Kirkgate Market 發跡的馬莎百貨（Marks & Spencer）。1884年，猶太難民米高．馬克斯（Michael Marks）在Kirkgate Market開了一個小攤檔，口號是「不用問價，一律一便士」。十年後他與湯瑪士．史賓沙（Thomas Spencer）合夥，就成為今日英國家喻戶曉的馬莎百貨。時至今日，Kirkgate Market內至今仍設有馬莎紀念攤檔和大鐘，列斯大學內亦有一個公開且免費的馬莎百貨展覽館，下次有朋友嚟不妨帶佢哋睇吓。
四百歲生日 全年慶祝
本市成立四百周年咁大件事，當然要大肆慶祝一番。事實上，早於上年11月，市政府主辦的「Leeds 400」活動已經開幕，例如於7月舉行嘅Roundhay Festival，就邀請咗唔少著名歌手及樂團前來表演。
至於即將舉行的重要活動，則要數到將於十月廿八及廿九日舉行的「Light Night Leeds」，屆時，整個列斯市中心會設有超過四百個燈飾裝置，並會在建築物的外牆上，播放超巨型的投影藝術。筆者往年去過，非常熱鬧，值得參加。
另外，列斯國際電影節則於10月29日至11月15日舉行。而影迷最期待的「殭屍/恐怖電影之夜 (Night of the Dead)」則定於11月13日（星期五）登場。有興趣嘅朋友可以去列斯電影節官網 (Leeds Film) 了解詳程。
