炸物好食日式飯漢堡 Sheff...
相信唔少喺香港做過廚嘅朋友，嚟到英國之後都會諗吓做返老本行。誠言廚師呢個行業，即使去到全世界都好吃香，喺英國，亦有唔少朋友做到門庭若市，誇張者如曼城鬼廚入面嘅忠輝燒臘，真係未開檔已有人排隊一直排到收檔。但現實係，亦有唔少朋友仍然艱苦經營，就好似今次介紹呢間喺Sheffield嘅魂飯堡（Soulyaki Rice Burger），我哋四個人去，四個都讚佢個飯堡好食，但老闆就大嘆話生意難做，顯得一臉心灰意冷，咁究竟係咩原因呢？
