今日係大年初六，首先祝大家新春大吉，最緊要唔好「初六咁既樣」。在剛過去的周六，列斯有兩場年宵慶典。第一個係由Hong Kong Hub於Leeds Minster舉行的農曆新年巿集；另一個係由「生命之弦，列斯華人福音堂」喺Gateway Church舉行的「列斯過年2025」。小編同屋企人就去咗後者，不如同大家回顧吓當日盛況。
今年已是「生命之弦，列斯華人福音堂」第三年舉行農曆新年慶典，同過去兩年相比，今年最大特色係多咗啲賣小食同賀年精品的攤檔。至於過去很受歡迎的遊戲攤檔，舞台表演，免費小食以及最受歡迎的大抽獎等都有繼續保留，所以，與其說呢個係年宵，反而似一個農曆新年的嘉年華會。
另外，非洲裔的列斯巿長Abigail Marshall Katung女士今年都有嚟做開幕嘉賓，仲著住好閃既傳統服裝。佢希望列斯華人福音堂能夠繼續社區服務，幫香港人融入社區咁話。
今年場面熱鬧，台上節目仲多到Over-run。因為參加者絕大部分都係移英港人，好有香港既過年氣氛。期望下年佢哋可以再搞大啲，等更多朋友可以一齊慶祝呢個「Lunar New Year」。
