相信好多朋友都會因為唔睇BBC而唔俾TV licence fee，屋企部電視只係用來睇YouTube或者Netflix。不過政府正考慮擴大牌照費的範圍，包括Netflix和Disney+等串流影音平台在內，即係你唔睇BBC都要照俾錢。
根據《彭博社》報道，英國文化媒體與體育部（DCMS）大臣麗莎·南迪（Lisa Nandy）已指示其團隊，研究將電視牌照費的徵收範圍擴展至 Netflix 和 Disney+ 等串流影音平台，以解決BBC營運資金短缺的困境。
政府認為，隨著愈來愈多觀眾轉向網上串流服務，令依靠電視牌照費經營的BBC出現困難。而Netflix和Disney+ 等平台因為從英國觀眾身上獲益，故應該為公共廣播機構做出貢獻。
目前電視牌照費是每年 £169.50，但將會於今年四月上升至174.50。然而，因為近年牌照費的收入下跌接近三成，令BBC陷入財困。BBC早前宣布，需每年削減7億英鎊的開支，並於去月十月，裁減新聞部115個職位，以節省 2,400 萬鎊的開支。
然而，當消息一出，即引來全國的爭議。許多人認為強制要求串流平台用戶繳納牌照費是一種過度干預市場的措施，可能導致價格上漲和服務質量下降。
目前，政府還未對如何實施這項政策作出具體規劃，亦表示會考慮其他方案，例如容許BBC賣廣告，以及向電台聽眾收取費用等，預計會在2027年進行全面檢討。
