又到新年，又係行年宵的大好日子。今年列斯有三個年宵巿場，第一個由政府資助，列斯雨傘舉辦的「列斯香港人年宵2025」已經於今日盛大舉行完畢，場面熱鬧，可謂逼爆Kirkgate Market。
今次有成61個攤檔環繞住美食廣場，而且貨品種類繁多，除了各式賀年食品同DIY過年裝飾品，仲有好多港式美食，好似雞蛋仔、魚旦、奶茶等等。現場仲播放住廣東話賀年歌，有財神派利是，仲有攤檔現場寫揮春，充滿住過年氣氛！聽唔少列斯港人講，今年規模比往年大，人流亦更多，不如等我哋一齊回顧吓今次盛況！
2月1日仲有兩個年宵
除咗呢個年宵之後，在2月1日大年初四，仲有兩個年宵「列斯過年 Leeds LNY Festival 2025」，以及「Leeds Minster 年宵市集」，分別在Gateway Church以及Leeds Minster舉行。不過雖然呢兩個年宵都係免費，但要事先攞飛，詳程可以留意返我哋以下呢篇報道。
