相信好多嚟到列斯定居嘅朋友都會幫襯過位於Oakwood嘅韓國餐廳Hama，一來因為喺列斯嘅韓國餐廳選擇少，二來係餐廳環境真係唔錯。不過，呢間餐廳有可能會成為大家的回憶了，因為該店老闆Ahn Choi於去年中風，逼於無奈只能將這間餐廳，連同位於巿中心的韓國燒肉自助餐廳一併放售。
因為Hama位於Roundhay Park附近，所以好多住喺列斯嘅朋友都會幫襯過。而事實上，自2023年該店開業後（前身為Chophaus），便成為巿內評價最高嘅韓國餐廳。除咗因環境不俗外，因為老闆夫婦係韓國人，味道比較正宗，例如泡菜煎餅、韓式飯卷同泡菜鍋等傳統韓國菜，都係熱門選擇。
不過，據報道，該店老闆Ahn Choi去年九月突然中風，住院近一個月，醫生嚴厲警告佢必須避免壓力、充分休息，否則有生命危險。所以他只能無奈接受：「只要繼續經營生意，就很難遵從醫生建議。我的兒子們還在成長，暫時無法接手，所以作出這個非常痛苦的決定，將它們出售或關閉。」
事實上，今次放盤，除了Oakwood的Hama外，另外仲有同一集團，位於Woodhouse Lane、靠近Leeds arena的Hama Korean BBQ Buffet。該店係好似香港嗰種任夾任燒，枱上面有燒烤爐同抽油煙機嘅自助餐廳，評價係食物款式唔少，雖然肉唔算新鮮，但燒汁搭夠，價錢大家燒烤連自助餐只係£33，唔算貴，所以同樣在得到不俗評價。
據報，呢兩間餐廳，年營業額達65萬英鎊（£650,000），Hama Korean BBQ Buffet 放售價39萬英鎊（£390,000），Hama Korean Restaurant 則為9萬英鎊（£90,000），目前將繼續營業，直至售出為止。如果大家想幫襯要快啲去啦。
